-នៅថ្ងៃសៅរ៍ ១១កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី០១ ខែមេសា ឆ្នាំ២០២៣ វេលាម៉ោង១៤ និង២០នាទី កម្លាំងអធិការដ្ឋាននគរបាលស្រុកបសេដ្ឋ បានទទួលព័ត៌មានពីខេត្ដតាកែវ ករណីមុខសញ្ញាជនសង្ស័យឆក់ខ្សែកចេញពីទីតាំងទូរលក់មាស កម្លាំងខេត្តតាកែវបានដេញតាមរហូតដល់ភូមិសាស្រ្ដខេត្ដកំពង់ស្ពឺ ។
ដោយកិច្ចដឹកនាំបញ្ជាពីលោកវរសេនីយ៍ឯក ចន សុភីត អធិការស្រុកបសេដ្ឋ កំលាំងនគរបាលបានពួនស្ទាក់និងចេញបង្រ្កាបមុខសញ្ញាចោរឆក់ខាងលេី(ឆក់ខ្សែកមាសពីទូរលក់មាស នៅចំណុចផ្សារត្រពាំងអណ្ដើក ខេត្តតាកែវ) បង្រ្កាបជាក់ស្ដែងបានជនសង្ស័យចំនួន០៣នាក់ ៖
១-គីម លីហួ ប្រុស អាយុ១៩ឆ្នាំ ជាអ្នកបើកឡាន រស់នៅមេគង្គ សង្កាត់និរោធ ខណ្ឌច្បារអំពៅ
២-សួន ពុទ្ធរិទ្ធ ហៅវីត ប្រុស អាយុ១៧ឆ្នាំ (រស់នៅភូមិចាម សង្កាត់ជ្រោយចង្វា ខណ្ឌជ្រោយចង្វា។
៣-លី ខៀង ប្រុស អាយុ១៦ឆ្នាំ រស់នៅសង្កាត់ជ្រោយចង្វា ខណ្ឌជ្រោយចង្វា
ក្នុងកិច្ចប្រតិបត្តិការក្នុងការពួនស្ទាក់និងបង្រ្កាបសមត្ថកិច្ចនគរបាលបង្រ្កាបឃាត់ខ្លួនជាក់ស្ដែងបានមុខសញ្ញា០៣នាក់មធ្យោបាយ០១គ្រឿងម៉ាកព្រុស ពណ៌ប្រផេះ សេរីឆ្នាំ២០០៧ ពាក់ស្លាកលេខភ្នំពេញ2BP-3306 ។
ក្រុមជនសង្ស័យព្យាយាមបេីករថយន្តគេចខ្លួន ពីទឹកដីស្រុកបសេដ្ឋ ឡេីងទៅស្រុកភ្នំស្រួចសមត្ថកិច្ចដេញតាមរហូតដល់ចំណុចជើងភ្នំល្អាង ស្ថិតក្នុងភូមិត្រពាំងធ្លក ឃុំស្វាយចចិប ស្រុកបសេដ្ឋ ខេត្តកំពង់ស្ពឺ ជនសង្ស័យដឹងថាមិនមានលទ្ធភាពរត់បាន ក៏ឈប់រថយន្ត រួចរត់គេចខ្លួនឡើងភ្នំល្អាង តែត្រូវបានសមត្ថកិច្ចយើងតាមឃាត់ខ្លួនបាន ។
-ក្នុងពេលកិច្ចប្រតិបត្តិការណ៍ តាមដេញនោះធ្វើឲ្យរថយន្តសមត្ថកិច្ចចំនួន០៣គ្រឿងរងការខូចធ្ងន់ និងរងរបួសមន្រ្តីនគរបាលម្នាក់ ៖
រថយន្ត ម៉ាកFord រងការខូចខាតកម្រឹតធ្ងន់ ។
រថយន្ត ម៉ាកលុចសីចRX330 រងការខូចខាតកម្រឹតមធ្យម។
រថយន្ត ម៉ាកព្រុស រងការខូចខាតស្រាល ។
-ចំណែកមន្រ្តីម្នាក់ អនុសេនីយ៍ត្រី យួន សុផា
រងរបួសធ្ងន់(សន្លប់) បញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តតាកែវ ។
-វត្ថុតាងដកហូតពីជនសង្ស័យរួមមាន ៖
-រថយន្តម៉ាកព្រុស ពណ៌ប្រផេះ សេរីឆ្នាំ២០០៧ ០១គ្រឿង ធ្វេីសកម្មភាព(ភ្នំពេញ2BP-3306)
-លោហៈទង់ដែងមួយខ្សែ ។
-ចំពោះជនសង្ស័យ កម្លាំងព្រហ្មទណ្ឌស្រុកបសេដ្ឋ បានប្រគល់ជូននគរបាលស្រុកត្រាំកក់ ដើម្បីចាត់ការតាមនិតិវិធីច្បាប់។
0 Comments