តបតាមសំណើរបស់សាកលវិទ្យាល័យជាតិបាត់ដំបង និងដោយមានការចាត់តាំងដ៏ខ្ពង់ខ្ពស់ពី ឯកឧត្ដម ហ៊ុន ម៉ានី ប្រធានក្រុមប្រឹក្សាភិបាលនៃមជ្ឈមណ្ឌលកម្ពុជា ៤.០ ឯកឧត្ដម អាំង សុវណ្ណរ័ត្ន បានអញ្ជើញធ្វើជាវាគ្មិនឧទ្ទេសនាមជូនដល់និស្សិត សមាជិក សមាជិកាស.ស.យ.ក. ប្រចាំសាកលវិទ្យាល័យជាតិបាត់ដំបង ដោយមានការចូលរួមពីលោកទេព នាវា សាកលវិទ្យាធិការរង និងជាប្រធានក្រុមការងារយុវជន សសយក ប្រចាំសាកលវិទ្យាល័យបាត់ដំបង។
កម្មវិធីឧទ្ទេសនាមនេះផ្ដោតលើប្រធានបទ “យុវជន ៤.០ និងការលើកកម្ពស់គុណភាពអប់រំ”។
ឆ្លៀតឱកាសនេះ ក្រុមការងារក៏បានផ្សព្វផ្សាយពីថ្នាល “ផ្សារបច្ចេកវិទ្យាខ្មែរ” (Khmer Tech Market) ជូនដល់និស្សិត និងអង្គពិធីទាំងមូល ព្រមទាំងបានប្រគល់សៀវភៅ “កម្រងអត្ថបទសិក្សា ស្តីពី ការអភិវឌ្ឍសេដ្ឋកិច្ចឌីជីថលនៅកម្ពុជា” និង “កម្រងមេរៀនអក្ខរកម្មឌីជីថល” សម្រាប់តម្កល់ទុកនៅបណ្ណាល័យសាកលវិទ្យាល័យជាតិបាត់ដំបង និងសាកលវិទ្យាល័យជាតិមានជ័យ ដើម្បីបានជាប្រយោជន៍ដល់ការសិក្សាស្រាវជ្រាវរបស់សិស្សនិស្សិត។
#muyreal #muyrealnews
Journalist & Freelancer
ទំនាក់ទំនងផ្សព្វផ្សាយពាណិជ្ជកម្ម Tel: ស៊ែលកាត 061 662269, មិត្តហ៊្វូន 066 662269, ស្មាត 010 662269 សូមអរគុណ៚
0 Comments