នៅថ្ងៃទី១៨ ខែមីនា ឆ្នាំ២០២៣ ដោយមានការណែនាំចង្អុលបង្ហាញពីសំណាក់លោក ស្នងការនគរបាលខេត្តតាកែវ និងមានការសម្របសម្រួលពីសំណាក់ឯកឧត្ដម ព្រះរាជអាជ្ញាអមសាលាដំបូងខេត្តតាកែវ កម្លាំងជំនាញអធិការដ្ឋាននគរបាលស្រុកសំរោងសហការជាមួយប៉ុស្តិ៍នគរបាលរដ្ឋបាលខ្វាវ បង្ក្រាបបានករណីធ្វើឱ្យខូចខាតដោយចេតនា (បាញ់ចំពាមកៅស៊ូ) បណ្ដាលឲ្យបែកកញ្ចក់រថយន្តមួយករណី តាមបណ្ដោយផ្លូវលេខ១២៤ ស្ថិតនៅភូមិព្រៃជ័រ ឃុំខ្វាវ ស្រុកសំរោង ខេត្តតាកែវ ។
ដោយឃាត់ខ្លួនជនសង្ស័យចំនួន០២ នាក់ ទី១.ឈ្មោះ ភុន ផានិត ភេទប្រុស អាយុ ២១ ឆ្នាំ រស់នៅភូមិត្រពាំងរាំង ឃុំខ្វាវ ស្រុកសំរោង ទី២.ឈ្មោះ ឃុត ភា ហៅអ៊ូក ភេទប្រុស អាយុ ១៩ឆ្នាំ រស់នៅភូមិកាប់នឹម ឃុំខ្វាវ ស្រុកសំរោង ព្រមទាំង ម៉ូតូចំនួន ០១ គ្រឿង ដែលជនសង្ស័យជិះធ្វើសកម្មភាព ។
បច្ចុប្បន្នជនសង្ស័យ រួមនិងវត្ថុតាង កម្លាំងជំនាញកំពុងកសាងសំណុំរឿងបញ្ជូនទៅស្នងការដ្ឋាននគរបាលខេត្តតាកែវ ដើម្បីចាត់ការតាមនីតិវីធី៕
0 Comments