នៅថ្ងៃទី០៤ ខែកុម្ភៈ ឆ្នាំ២០២៣ វេលាម៉ោង១៧និង២០នាទី នៅចំណុចផ្សារភូពុយ ស្ថិតនៅក្នុងភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង និង ថ្ងៃខែឆ្នាំដដែល វេលាម៉ោង១៧និង៥៥នាទី នៅចំណុចភូមិរតនៈ សង្កាត់រតនៈ ក្រុងបាត់ដំបង ខេត្តបាត់ដំបង នគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលក្រុងបាត់ដំបង បង្រ្កាបឆបោក និង គំហែង ( យកប្រាក់ ) ០១ ករណី និងបានធ្វេីការនាំខ្លួនជនសង្ស័យចំនួន ០២នាក់ មកកាន់ស្នងការដ្ឋាននគរបាលខេត្តបាត់ដំបង ។
០១ ឈ្មោះ ឯម សុវិសាល ភេទប្រុស អាយុ៣៤ឆ្នាំ មុខរបរ ចាងហ្វាង គេហទំព័រ TNC ។
០២. ឈ្មោះ ឯម សុវិសេដ្ឋ ភេទប្រុស អាយុ៣៤ឆ្នាំ មុខរបរ ចាងហ្វាង គេហទំព័រ PCM.hotNews ។
ជនសង្ស័យទាំង០២នាក់នេះ មានទីលំនៅភូមិរតនៈ សង្កាត់រតនៈ ក្រុងបាត់ដំបង ខេត្តបាត់ដំបង ។
កាលពីថ្ងៃទី២៦ ខែវិច្ឆិកា ឆ្នាំ២០២២ វេលាម៉ោង១៣និង២០នាទី នៅចំណុចផ្ទះរបស់ជនរងគ្រោះឈ្មោះ ស៊ុយ សាការ៉ា ភេទប្រុស អាយុ៤០ឆ្នាំ ស្ថិតនៅក្នុងភូមិរំចេក៣ សង្កាត់រតនៈ ក្រុងបាត់ដំបង ខេត្តបាត់ដំបង មានជន០២នាក់ខាងលេីបានស្លៀកពាក់ឈុតអង្គរក្សពណ៌គគីរ ជិះរថយន្ដម៉ាក Toyota Revo ពណ៌ស ពាក់ស្លាកលេខ បាត់ដំបង 2C-4428 មកសួរថា តេីសិប្បកម្មនិងមានច្បាប់រឺអត់? ហេីយក្រុមជននេះប្រាប់ថា ក្រុមគេនេះចុះមកធ្វេីការមាន០១ឡានទៀត ចាំនៅខាងក្រៅ ដោយមានទាំងព្រះរាជអាជ្ញា និង មេព្រៃ ព្រមទាំងយករូបភាពចាប់ឈេី មកគម្រាមជនរងគ្រោះថែមទៀត រួចជនខាងលេីបាននិយាយទៀតថា ក្រុមការងារគេពេលចុះទៅសិប្បកម្មផ្សេងៗ បានប្រាក់៣ពាន់ ទៅ ៤ពាន់ដុល្លារ ពេលនោះជនរងគ្រោះមានការភ័យ ក៏យល់ព្រមអោយប្រាក់ ១លានរៀល ប៉ុន្តែជនរងគ្រោះមានប្រាក់តែ ៥០ ម៉ឺនរៀលទេ ចាំប្រហែល៥ថ្ងៃទៀត ចាំវេរប្រាក់ទៅអោយ ៥០ ម៉ឺនរៀលទៀត ។
លុះបានប្រហែលកន្លះខែក្រោយមកទៀត នៅថ្ងៃទី១៦ ខែធ្នូ ឆ្នាំ២០២២ វេលាម៉ោងប្រហែល១៥និង០០នាទី មានជនម្នាក់ទៀត មានមុខមាត់ដូចអ្នកមុន និង ស្លៀកពាក់ឈុតអង្គរក្សពណ៌គគីរ ដូចអ្នកមុន ជិះឡានម៉ាក Nissan ពណ៌ស ពាក់ស្លាកលេខភ្នំពេញ 2AS-9124 និយាយស្តីដូចនឹងអ្នកមុនទៀត និងបានប្រាប់ជនរងគ្រោះថា ក្រុមការងារគេចុះមកនេះស្ងាត់ៗ ដោយមានលោកព្រះរាជអាជ្ញា កែវ សុជាតិ និង មេព្រៃ មកជាមួយផងដែរ ហេីយអោយជនរងគ្រោះយកប្រាក់អោយខ្លួនចំនួន១ពាន់ដុល្លារ ។
ប៉ុន្តែជនរងគ្រោះមិនមានប្រាក់គ្រប់ចំនួនទេ ហេីយគេក៏ទារពីជនរងគ្រោះ១លានរៀល តែជនរងគ្រោះអោយបានតែ ៤០ ម៉ឺនរៀលទេ ក្រោយមកជនរងគ្រោះក៏បានដឹងថា ជនទាំង០២នាក់នោះ ជាបងប្អូនភ្លោះក៏មិនបានវេរប្រាក់អោយទៅទៀតដែរ ។
លុះពេលដាច់ខែបានប្រហែល៤ថ្ងៃ ក្រុមជនខាងលេីនោះបាននាំជនម្នាក់ទៀត មិនស្គាលឈ្មោះ ភេទប្រុស មកទារប្រាក់ពីជនរងគ្រោះទៀត ពេលនោះប្រពន្ធរបស់ជនរងគ្រោះមិនមានប្រាក់គ្រប់ ក៏បានអោយប្រាក់តែ ៣០ ម៉ឺនរៀលទេ ។
ប្រហែលជា១៥ថ្ងៃក្រោយ ក្រុមជនខាងលើនេះ បានរៀបគ្នាជាប្រព័ន្ធ ដោយមានអ្នកតំណាងលោកព្រះរាជអាជ្ញា និង មានអ្នកតំណាងលោកមេព្រៃ បានមកឡូឡា ខលទូរស័ព្ទរកគ្នា ថាតេទៅបងសាន អោយយកកម្លាំងមកចាប់យកអោយអស់ទៅ លុះបានប្រហែល១៥នាទីក្រោយ ក៏ឃេីញមានជនមិនស្គាល់ឈ្មោះ មកគោះទ្វារហៅជនរងគ្រោះអោយចេញមកក្រៅផ្ទះមក ដេីម្បីនិយាយចចារសម្រួលគ្នា ហេីយជនរងគ្រោះក៏បានប្រាប់ថា ចាំវេរប្រាក់អោយ ហេីយក្រុមជនខាងលេី ក៏បានជិះឡានទៅវិញអស់ទៅ កន្លងបានមួយថ្ងៃក្រោយមក ជនខាងលេីបានទូរស័ព្ទទៅជនរងគ្រោះសួររកប្រាក់ ពេលនោះជនរងគ្រោះក៏បានអោយប្រាក់ទៅ១០ ម៉ឺនទៀត ។
បច្ចុប្បន្នការិយាល័យជំនាញ កំពុងធ្វេីការកសាងសំណុំរឿង ដេីម្បីបញ្ជូនកមទៅសាលាដំបូងខេត្តបាត់ដំបង ចាត់ការបន្តតាមនីតិវិធី ៕
#muyreal #muyrealnews
Journalist & Freelancer
ទំនាក់ទំនងផ្សព្វផ្សាយពាណិជ្ជកម្ម Tel: ស៊ែលកាត 061 662269, មិត្តហ៊្វូន 066 662269, ស្មាត 010 662269 សូមអរគុណ៚
0 Comments