កាលពីព្រឹកថ្ងៃទី២៧ ខែកុម្ភៈ ឆ្នាំ២០២៣រដ្ធបាលខណ្ឌទួលគោក ដឹកនាំដោយលោក ស៊ឹម សុផង់ អភិបាលរងខណ្ឌ តំណាងឯកឧត្តម ជា ពិសី អភិបាលខណ្ឌទួលគោក បានដឹកនាំកម្លាំងគណ:បញ្ជារការឯកភាពខណ្ឌទួលគោក បើកវេទិកាដោះស្រាយវិវាទរវាងក្រុមអាជីវករដែរប្រកបរបរពោតលក់ និង ប្រជាពលរដ្ឋដែរនៅស្របតាមផ្លូវរថភ្លើង ដែលម្ចាស់អាជីវកម្មបានធ្វើការស្ងោរពោតលក់ជាប្រចាំ បានបង្កផលប៉ះពាល់យ៉ាងខ្លាំងដល់ការរស់នៅរបស់ប្រជាពលរដ្ឋនៅជិតខាងជាពិសេសផ្សែងហុយចូលទៅក្នុងផ្ទះនិងធ្វើឲ្យប៉ះពាល់ដល់សុខភាព លំបាកក្នុងការរស់នៅរបស់ពួកគាត់ ។
សូមជម្រាបជូនថាទីតាំងដែលស្ងោរពោតនេះស្ថិតនៅស្របតាមដងផ្លូវរថភ្លើងមូលដ្ឋាន ភូមិ៨និងភូម៩ ក្នុងសង្កាត់បឹងកក់២ ព្រំប្រទល់ជាមួយ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។
ប្រជាពលរដ្ឋដែលរស់នៅក្បែរនោះបានត្អួញត្អែរនិង លើកឡើងថាទីតាំងស្ងោរពោតនេះគឺ ស្ងោរជាប្រចាំថ្ងៃ ចាប់ពីវេលាម៉ោង ០៣ទៀបភ្លឺ រហូតដល់ពេលរសៀលទើបសម្រាកឈប់ស្ងោរ ។ អ្វីដែរជាទុកកង្វល់ គឺ ផ្សែងហុយផ្សែងចូលផ្ទះនឹងធ្វើឲ្យប៉ះពាល់ដល់សុខភាពរបស់ពួកគាត់ លំបាកក្នុងការរស់នៅជាច្រើនឆ្នាំមកហើយ ទេីបពួកគាត់សម្រេចប្តឹងសមត្ថកិច្ចអោយមានវិធានការ បញ្ឈប់មានផ្សែងភ្លើងឬក៏ផ្លាស់ប្តូរទីតាំងថ្មី កុំឱ្យមានផ្សែងភ្លើងបំពុលបរិស្ថានបន្តទៀត ។
បន្ទាប់ពីទទួលបានពាក្យបណ្ដឹង និង សំណូមពររបស់ប្រជាពលរដ្ឋ អាជ្ញាធរបានដឹកនាំកម្លាំងចុះទៅដល់ទីតាំង បានអញ្ជើញអាជីវករស្ងោរពោតលក់ និង ប្រជាពលរដ្ឋដែររស់នៅជុំវិញទីតាំងខាងលើ មកជួបប្រជុំ ដេីម្បីពិភាក្សាគ្នា ដោះស្រាយពីបញ្ហាផលប៉ះពាល់អំពីផ្សែងស្ងោរពោត។ ក្រោយពិភាក្សាគ្នា និង បញ្ចេញមតិយោបល់ អំពីទុកកង្វល់រៀងៗខ្លួនរួចមក អាជីវករដែរប្រកបរបរពោតលក់ និង ប្រជាពលរដ្ឋដែររស់នៅជុំវិញតំបន់នោះ បានឯកភាពគ្នាដូចខាងក្រោម ៖
១.ឯកភាព ស្ងោរពោតចាប់ពីម៉ោង៣ទាបភ្លឺ រហូតដល់៧ព្រឹកយ៉ាងយូរ និង ត្រូវពន្លត់ភ្លើងទាំងអស់គ្នា មិនអោយមានការស្ងោរបន្តទៀតទេ ។
២.ត្រូវរក្សាសន្តិសុខ សណ្ដាប់ធ្នាប់ អនាម័យបរិស្ថាន អោយបានស្អាត ជាប្រចាំ ដោយធានាមិនអោយមានផលប៉ះពាល់ប្រជាពលរដ្ឋដែរធ្វើដំណើរឆ្លងកាត់ទីនោះ ។
៣.មិនត្រូវចាក់ទឹកពោត បង្ហៀរមកលេីផ្លូវជាដាច់ខាត ។
៤.ត្រូវរក្សាទំនាក់ទំនងល្អ ជាមួយបងប្អូនប្រជាពលរដ្ឋ ។
អាជ្ញាធរមូលដ្ឋានបានបន្តថា ជានិច្ចជាកាលអាជ្ញាធរតែងយកចិត្តទុកដាក់ពីសុខទុក្ខប្រជាពលរដ្ឋទាំងអស់ នៅក្នុងមូលដ្ឋាន។ ជាក់ស្ដែង អាជីវករស្ងោពោតលក់និងតាមបណ្ដោយចំណីផ្លូវរថភ្លើង លោកតែងតែអនុគ្រោះ ព្រោះនេះជាមុខរបរចិញ្ចឹមជីវិត និង គ្រួសារ របស់ពួកគាត់ ។ទន្ទឹមនិងការយោគយល់នេះដែរ ក៏មានមតិរិះគន់មួយចំនួនបានរិះគន់អាជ្ញាធរថា ទទួលបានផលប្រយោជន៍ពីពួកគាត់ទាំងនោះហើយទើបមិនមានវិធានបញ្ឈប់អាជីកម្មពួកគាត់ ។ ឆ្លើយតបទៅនិងការរិះគន់ អាជ្ញាធរសូមបញ្ជាក់ថាលោកមិនបានទទួលផលប្រយោជន៍អ្វីពីពួកគាត់ទាំងនោះទេ ។ អ្វីដែរលោកដោះស្រាយ គឺចេញបេះដូង និង មេត្តាធម៌ យកមកដោះស្រាយ ដោយឈេីលេីភាពឈ្នះៗទាំងអស់ ក្នុងនាមជាប្រជាជនខ្មែរស្រលាញ់ខ្មែរ ៕
0 Comments