«ព្រៃឈើ ៖ តម្រូវការ, សេដ្ឋកិច្ច, ឧក្រិដ្ឋកម្ម, និងបដិវត្តន៍»

ខ្ញុំសូមជូន «ហេតុ & ផល» អំពីបញ្ហាព្រៃឈើ ដើម្បីជាការពិចារណាបែបប្រជាជនសាមញ្ញ។ ចំពោះទិដ្ឋភាពច្បាប់និងបច្ចេកទេសមានក្រសួងជំនាញទទួលបន្ទុករួចហើយ។ 

១/. លើទិដ្ឋភាពរួម ៖ ការបំផ្លាញព្រៃឈើ គឺជាឧក្រិដ្ឋកម្ម។

២/. នៅលើតម្រូវការ ៖ បើមិនអនុញ្ញាតឱ្យកាប់ឈើ តើមានអ្វីផ្គត់ផ្គង់តម្រូវការសំណង់ សម្រាប់ប្រជាជន១៧លាននាក់ ដែលត្រូវការធ្វើផ្ទះ គ្រឿងសង្ហារឹម និងអុសដុត…? បើគ្មានឈើ តើបានអ្វីយកធ្វើទ្វារផ្ទះ ធ្វើបង្អួច និងសម្រាប់ធ្វើជាតុកៅអី សម្រាប់តម្រូវនៅតាមផ្ទះ សណ្ឋាគារ ផ្ទះសំណាក់ ការិយាល័យ វត្តអារ៉ាម សាលារៀន និងភោជនីយដ្ឋាន នៅទូទាំងប្រទេស? សូម្បីផ្ទះនៅជនបទយ៉ាងហោច៨០% ត្រូវការឈើ ដែលសូម្បីតែផ្ទះនៅក្នុងទីក្រុងក៏ត្រូវការឈើដែរ។ គ្មានផ្ទះណា ដែលធ្វើពីថ្មសុទ្ធ និងដែកសុទ្ធ ដោយគ្មានប្រើប្រាស់គ្រឿងសង្ហារឹមដែលធ្វើពីឈើនោះទេ។ នេះមិនរាប់តម្រូវការសម្រាប់អ្នកស្រុកធ្វើ ទូក រទេះ រនាស់ ក្តារបោក និងម្ឈូស។ ខ្ញុំមិនឌឺដងថា ពួកប្រឆាំងនឹងប្រើប្រដាសខ្ចប់សពនោះទេ ហើយសូម្បី ក្រដាសក៏ធ្វើពីឈើដែរ។ 

៣/. លើទិដ្ឋភាពសេដ្ឋកិច្ច ៖ បើកម្ពុជាឆោត រហូតមិនប្រើឈើខ្លួនឯង គឺកម្ពុជានឹងចំណាយលុយទិញគ្រឿងសង្ហារឹមពីប្រទេសជិតខាង ក្នុង១ឆ្នាំៗ មិនតិចជាងពាន់លានដុល្លារ។ 

៤/. លើទិដ្ឋនយោបាយ ៖ ពាក្យថា «ស្នេហាព្រៃឈើ» គឺវាស៊ីអារម្មណ៍ណាស់ ហើយបើមានអ្នកណាម្នាក់ ឬក្រុមណាមួយតាំងខ្លួនជា «អ្នកស្នេហាព្រៃឈើ» គឺពិតជាធ្វើឱ្យមានការចាប់អារម្មណ៍ខាងរូបភាព។ ប៉ុន្តែជាខ្លឹមសារវិញ «សួរថា នៅផ្ទះពួកសកម្មជនទាំងនោះ ប្រើឈើទេ?»។ ហាមកុហកខ្លួនឯង? លើលោកនេះ គ្មានប្រទេសណាមួយ ដែលមិនសម្អាតព្រៃ ដើម្បីប្រែក្លាយទៅជាតំបន់សេដ្ឋកិច្ច ពាណិជ្ជកម្ម និងតម្រូវការផ្សេងៗដទៃទៀតនោះទេ។ 

*** នៅក្នុងបញ្ហាបរិស្ថាន ក៏មានបំណងល្អ និងការសំដែងផងដែរ។ បរទេសខ្លះហ៊ានឱ្យលុយដល់សកម្មជន ក្នុងការសម្តែងថ្កោលទោសជាតិខ្លួនឯង។ ប៉ុន្តែសួរថា តើបរទេសទាំងនោះមានចំណាយលុយសូម្បី១សេន ដើម្បីការអភិរក្ស និងដាំដើមឈើសូម្បី១ដើមដែរឬទេ? 

*** សូមពិចារណាលើទិដ្ឋភាពនានាប្រកបដោយ «ហេតុនិងផល»។ យើងមិនគាំទ្រទង្វើខុសច្បាប់លើបញ្ហាព្រៃឈើនោះទេ។ ប៉ុន្តែយើងគាំទ្រការពង្រឹងច្បាប់ ដើម្បីតុល្យភាពបរិស្ថាន, តុល្យភាពរវាងតម្រូវការនិងការផ្គត់ផ្គង់, និងភាពជាក់ស្តែងនៃបរិបទប្រទេសកម្ពុជាដែលយើងត្រូវការរស់នៅដោយមានព្រៃឈើ និងដោយមានឈើសម្រាប់ប្រើប្រាស់តាមតម្រូវការ៕


✴️សូមបងប្អូនជួយស៊ែរចែករំលែកព័ត៌នេះផង🙏🙏🙏


ប្រិយមិត្តអាចផ្តល់ដំណឹងឬព័ត៌មាន មកសារព័ត៌មាន មួយរៀល www.muyreal-news.com ដោយផ្ទាល់តាមរយៈដូចខាងក្រោម៖

  1. លេខទូរស័ព្ទ 010 662 269
  2. Telegram: 010 662 269
  3. What’s App: 010 662 269
  4. Join our Group https://t.me/khshortnews
  5. Gmail: muyreal.news@gmail.com
  6. អ៊ុក សុវណ្ណដារារាជ្យ: https://www.facebook.com/silverturtle168
  7. Sovandarareach Ouk : https://www.facebook.com/silverturtlekhmer
  8. Muyreal-News: https://www.facebook.com/Muyreal.Official/


បញ្ជាក់៖ រាល់ការផ្តល់ព័ត៌មាន របស់ប្រិយមិត្តមកកាន់អង្គភាពសារព័ត៌មានយើងខ្ញុំ នឹងមានការរក្សាការសម្ងាត់ជូនប្រភព តាមវិជ្ជាជីវៈមិនឲ្យប៉ះពាល់ដល់កិត្តយស ឬសុវត្ថិភាពរបស់ប្រភពឡើយ។ 


សូមអរគុណសម្រាប់ការតាមដាន ១រៀល ៕

 #newsmuyreal #muyrealnews

                     ៚************៚