(ភ្នំពេញ)៖  នាយប់ថ្ងៃទី០៩ ខែតុលា ឆ្នាំ២០២២  គណៈបញ្ជាការឯកភាពរដ្ឋបាលខណ្ឌចំការមន ដឹកនាំដោយលោក កៀង ល័ក្សអភិបាលខណ្ឌ បានចុះត្រួតពិនិត្យទីតាំងសេវាអនឡាញមួយកន្លែងឃាត់ខ្លួនមនុស្សចំនួន ២នាក់ ដែលប្រើវេបសាយ AA2888.Net ស្ថិតនៅផ្ទះលេខ៥៩ ផ្លូវលេខ៤៣២ ភូមិ៤ សង្កាត់ទួលទំពូងទី២ ខណ្ឌចំការមន រាជធានីភ្នំពេញ ។


ប្រតិបត្តិការចុះបង្ក្រាបទីតាំងបង្កប់ល្បែងភ្នាល់ តាមអនឡាញនេះ មានការសម្របសម្រួលពីលោក ទុង រតនា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និងមានការចូលរួមពីលោកអភិបាលរងខណ្ឌ, លោកអធិការរងនគរបាលខណ្ឌ, លោកប្រធានការិយាល័យសេដ្ឋកិច្ចខណ្ឌ, លោកចៅសង្កាត់ទួលទំពូងទី២, លោកនាយប៉ុស្ដិ៍នគរបាលរដ្ឋបាលទួលទំពូងទី២ និងមន្ត្រីពាក់ព័ន្ធមួយចំនួនផងដែរ។


ក្រុមការងារបានចុះមកដល់ទីតាំងខាងលេី បានពិនិត្យឃេីញថា ទីតាំងខាងលេីមានទទួលភ្នាល់លេងល្បែងស៊ីសង (បាក្រាត, ភ្នាល់ចាក់បាល់...) គ្រប់ប្រភេទ ដែលមានសម្ភារៈបម្រេីសេវាអន់ឡាញខុសច្បាប់រួមមាន៖ កុំព្យូទ័រ ០១ឈុត,លុយខ្មែរ ២,៨០២,០០០រៀល, លុយដុល្លារ ១,០៨៥ដុល្លារ និងមានមនុស្សជាបុគ្គលិកចំនួន២នាក់។


ក្រុមការងារបានសម្រេចដកហូតសម្ភារៈ ថវិកា និងឃាត់មនុស្សចំនួន ០២នាក់ខាងលេី ប្រគល់ឱ្យប៉ុស្ដិ៍នគរបាលរដ្ឋបាលទួលទំពូងទី២ ដេីម្បីអនុវត្តនីតិវិធីបន្តតាមផ្លូវច្បាប់។


សម្រាប់ទីតាំងនេះ  ក្រុមការងារបានសម្រេចផ្អាកអាជីវកម្ម និងបិទទ្វារឃ្លុំបេទីតាំងជាបណ្ដោះអាសន្ន៕


✴️សូមបងប្អូនជួយស៊ែរចែករំលែកព័ត៌នេះផង🙏🙏🙏


ប្រិយមិត្តអាចផ្តល់ដំណឹងឬព័ត៌មាន មកសារព័ត៌មាន មួយរៀល www.muyreal-news.com ដោយផ្ទាល់តាមរយៈដូចខាងក្រោម៖

  1. លេខទូរស័ព្ទ 010 662 269
  2. Telegram: 010 662 269
  3. What’s App: 010 662 269
  4. Join our Group https://t.me/khshortnews
  5. Gmail: muyreal.news@gmail.com
  6. អ៊ុក សុវណ្ណដារារាជ្យ: https://www.facebook.com/silverturtle168
  7. Sovandarareach Ouk : https://www.facebook.com/silverturtlekhmer
  8. Muyreal-News: https://www.facebook.com/Muyreal.Official/


បញ្ជាក់៖ រាល់ការផ្តល់ព័ត៌មាន របស់ប្រិយមិត្តមកកាន់អង្គភាពសារព័ត៌មានយើងខ្ញុំ នឹងមានការរក្សាការសម្ងាត់ជូនប្រភព តាមវិជ្ជាជីវៈមិនឲ្យប៉ះពាល់ដល់កិត្តយស ឬសុវត្ថិភាពរបស់ប្រភពឡើយ។ 


សូមអរគុណសម្រាប់ការតាមដាន ១រៀល ៕

 #khmn #muyrealnews

                     ៚************៚