ផ្សាយចេញពីរាជធានីភ្នំពេញ៖ យោងតាមគេហទំព័រហ្វេសប៊ុកផេក (ដំណឹងក្នុងស្រុក SNN TV ONLINE NEWS ឬ SNNTV) បានចុះផ្សាយថា ថ្ងៃទី ២៩ ខែ មករា ឆ្នាំ ២០២៣ មេការនិងកម្មករសំណង់ សុំកិច្ចអន្តររាគមន៍ពីរឯកឧត្តម រ័ត្នស៊្រាង នឹង ឯកឧត្តម ឃួងស្រេង អភិបាល នៃគណៈអភិបាលរាជធានីភ្នំពេញជួយរកដំណោះស្រាយឲ្យ ខណ:លោកវរសេនីយ៍ឯក សូសុីដារិទ្ធ ជានាយរងសេនាធិការកងរាជអាវុធហត្ថរាជធានីភ្នំពេញ មិនព្រមបើកលុយឲ្យពួកគាត់ដោយជ្រកក្រោមហេតុផលថា អស់ជំនឿទុកចិត្ត ស្ថិតក្នុងភូមិ ខ្វែរ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
នេះជាព័ត៌មានមិនពិត ដោយក្នុងឯកសារកិច្ចសន្យាមានលេខទូរស័ព្ទទំនាក់ទំនងភាគីទាំងសង្ខាង និង លោក ហ៊ុនយ៉េង ជាមេការសំណង់ គ្មានអ្វីពាក់ព័ន្ធជាមួយម្ចាស់សំណង់ឡើយ ។
ដំណើរសាច់រឿង កើតចេញពីលុយ $8.400 (ប្រាំបីពាន់បួនរយដុល្លាអាមេរិក) ស្មើ១០% ។
ក្នុងកិច្ចសន្យាម៉ៅការសំណង់ ធ្វើនៅភ្នំពេញចុះថ្ងៃទី០១ ខែធ្នូ ឆ្នាំ២០២២ រវាងលោក សូ ស៊ីដារិទ្ធ អាយុ ៤៦ ឆ្នាំ កាន់អត្តសញ្ញាណប័ណ្ណសញ្ញាតិខ្មែរលេខៈ ០១០៨០៥៧៥១ និងប្រពន្ធឈ្មោះ ឡាក់ សុភាព អាយុ ៣៩ ឆ្នាំ កាន់អត្តសញ្ញាណប័ណ្ណសញ្ញាតិខ្មែរលេខៈ០១០៤២៦៨២២ (០១) មានអាសយដ្ឋាន ស្ថិតនៅភូមិ ចំការឪឡឹក សង្កាត់ កាកាប ខណ្ឌពោធិសែនជ័យ រាជធានីភ្នំពេញ ទូរសព្ទ័លេខៈ០៨៦៨៤៧៩៧៩ ដែលជាភាគីម្ចាស់សំណង់អគារបន្ទប់ជួលតទៅហៅកាត់ថាភាគី«ក»។ និងលោក ព្រហ្ម សឿន មានអាសយដ្ឋានស្ថិតនៅ ផ្លូវ558 ផ្ទះលេខ20 ខណ្ឌទួលគោគ រាជធានីភ្នំពេញ ( កាន់ អត្តសញ្ញាណប័ណ្ណសញ្ជាតិខ្មែរលេខ ២១០០៥៦០២៨ ទូរស័ព្ទលេខៈ ០៨៧៧៦០៦២៩ តទៅហៅថា ភាគី(ខ)។
ក្រោយពីបានពិភាក្សាគ្នារួចមកភាគីទាំងពីរបានព្រមព្រៀងគ្នាដូចប្រការខាងក្រោម៖
ភាគី«ក» បានព្រមព្រៀងអោយភាគី«ខ» ទទួលម៉ៅការសាងសង់ផ្ទះជួល ០១កន្លែងមាន មានទំហំទទឹង ៦.២ម និងបណ្ដោយ៣២ម មានប្លង់ ២ សន្លឹក ដំបូលប្រក់សង្កសី បន្ទប់គេងចំនួន ២៤ បន្ទប់ទឹកចំនួន ២៤ ស្ថិតលើក្បាលដី......... ដែលមានទីតាំងស្ថិតនៅភូមិខ្វែ សង្កាត់ត្រពាំងក្រសាំង ខណ្ឌពោធិសែនជ័យ រាជធានី ភ្នំពេញ ឲ្យចប់សព្វគ្រប់ទៅតាមប្លង់ និងបំពាក់សម្ភារៈតាមគម្រោងបញ្ជីប៉ាន់ ស្មាន តំលៃ ដែលមាននៅក្នុង តារាងឧបសម្ព័ន្ធ បានភ្ជាប់មកជាមួយដែលមានតំលៃសរុប US$ 84,000 ( ប្រាំបីម៉ឺនបួនពាន់ដុល្លារអាមេរិកកាំង)។
កិច្ចសន្យាសាងសង់អគារនេះមានរយៈពេល ៥ ខែដោយគិតចាប់ពីថ្ងៃទី០៧ ខែធ្នូ ឆ្នាំ២០២២ រហូតដល់ថ្ងៃទី០៧ ខែមេសា ឆ្នាំ២០២៣។
ដោយក្នុងតារាងបង់ប្រាក់ជាដំណាលដូចតទៅ៖
- ចុះកិច្ចសន្យា និងគូរប្លង់សាងសង់ ត្រូវបង់ $8.400 ស្មើនឹង ១០% (ម្ចាស់ផ្ទះបានបង់រួច)
- បើកការដ្ឋានសាងសង់ និងដឹកសំម្ភារៈសំណង់ចូល ត្រូវបង់ $21.000 ស្មើនឹង ២៥% (ម្ចាស់ផ្ទះបានបង់រួច)
- ចាក់ប្លង់សេជាន់ទី១រួច ត្រូវបង់ $8.400 ស្មើនឹង ១០% (ម្ចាស់ផ្ទះមិនបានបង់ឱ្យដោយមានភាពមិនប្រក្រតីនិងផ្សេងៗ) ។
ត្រង់ចំណុចនេះហើយលោក ព្រហ្ម សឿន បានផ្តល់ការសំភាសន៍តាមទូរស័ព្ទលេខ 093 993099 ប្រាប់ឱ្យដឹងថា លោក សូសុីដារិទ្ធ បដិសេធមិនបង់លុយបន្ថែម១០% ស្មើនឹង $8.400 តាមតារាងឧបសម្ព័ន្ធ គ្មានហេតុផលច្បាស់លាស់ គ្រាន់និយាយថាអស់ជំនឿទុកចិត្ត ។
បន្ទាប់មកលោក ព្រហ្ម សឿន បានក្រឡៃបំភ្លៃព័ត៌មាន ថាលោក ហ៊ុន យ៉េង ជាមេការសំណង់ ទាមទារបើកលុយពីម្ចាស់ផ្ទះ ដើម្បីសារព័ត៌មាន (ដំណឹងក្នុងស្រុក) ខាងលើចុះផ្សាយខ្វះប្រភពនិងមិនធ្វើបទសំភាសន៍ភាគីដែលពាក់ព័ន្ធ និយាយរួមមិនគោរពទៅតាមច្បាប់របបសារព័ត៌មាន វិជ្ជាជីវៈនិងក្រមសីលធម៌ ។
លោក សូ ស៊ីដារិទ្ធ ជាម្ចាស់សំណង់បានផ្តល់បទសំភាសន៍ តាមរយៈលេខទូរស័ព្ទ 086847979 បានប្រាប់ឱ្យដឹងថា បានជាគាត់អស់ជំនឿលើក្រុមហ៊ុនម៉ៅការសាងសង់របស់លោក ព្រហ្ម សឿន នេះការដោយសារភាគីក បានបង់ប្រាក់ចំនួន៣៥% ស្មើនឹង$29.400 (ពីរម៉ឺនប្រាំបួនពាន់បួនរយដុល្លារអាមេរិក) ដំណាក់កាលទី១នឹងទី២ តែលោក ព្រហ្ម សឿន មិនបានយកលុយមកចំណាយលើសំភារៈបើកការដ្ឋានដូចក្នុងតារាងឧបសម្ព័ន្ធនោះ តែលោក ហ៊ុន យ៉េង ជាអ្នកចេញមុខជំនួសទៅវិញ និងគ្មានសំភារៈដូចបានធ្វើកិច្ចសន្យាសោះ ។
លោកបន្តទៀតថា លោក ព្រហ្ម សឿន ថែមទាំងខ្វះលុយលោក ហ៊ុន យ៉េង និង កម្មករផ្សេងតាមផ្នែកថ្លៃឈ្នួលកំលាំងពលកម្មនិងសំភារៈ សរុប $13.500 (មួយម៉ឺនបីពាន់ប្រាំរយដុល្លារអាមេរិក) ។
ដោយឡែកលោក ហ៊ុន យ៉េង ជាមេការសំណង់សាងសង រួមទាំងកម្មករតាមផ្នែកផ្សេងៗទៀត បានប្រាប់ឱ្យដឹងថា លោក ព្រហ្មសឿន បានកុហកក្រឡៃបំភ្លៃការពិតទាំងស្រុង ។
នៅថ្ងៃទី២៦ ខែមករា ឆ្នាំ២០២៣នេះ ក្រុមកម្មកររួមជាមួយលោក ហ៊ុន យ៉េង បានតាមឃាត់រថយន្តលោក ព្រហ្ម សឿន កំពុងជិះនៅកងរាជអាវុធហត្ថស្រុកអង្គស្នួល និងធ្វើកិច្ចសន្យាសងប្រាក់ចំនួន $13.500 (មួយម៉ឺនបីពាន់ប្រាំរយដុល្លារអាមេរិក) មកឱ្យលោកហ៊ុន យ៉េង និងក្រុមកម្មករសំណង់ដែលធ្វើការងារមិនបានទទួលលុយថ្លៃឈ្នួលកំលាំងពលកម្មរបស់ខ្លួន រួមទាំងថ្លៃសំភារៈផងដែរដោយទុកតម្កល់រថយន្ត ។
សូមរំលឹកផងដែរថា ក្នុងជំនួបរវាងអ្នកសារព័ត៌មាននិងសម្តេចតេជោនាយករដ្ឋមន្ត្រី នៃព្រះរាជាណាចក្រកម្ពុជា លើកទី៥ នាល្ងាចថ្ងៃទី១៤ ខែមករា ឆ្នាំ២០២៣ នៅសាលាពិពណ៌កោះពេជ្រ សម្តេចតេជោ ហ៊ុន សែន បានផ្តល់អនុសាសន៍ចំនួន០៨ចំណុច ត្រង់ចំណុចទី៥-ចូលរួមយុទ្ធនាការ ប្រយុទ្ធជាមួយនឹងភាពអសកម្ម ភាពមិនប្រក្រតី អំពើពុករលួយ និងភាពអយុត្ដិធម៌នៅក្នុងសង្គម ដើម្បីកសាងកម្ពុជាជាសង្គមមួយដែលស្អាតស្អំ មានតម្លាភាព ។
សម្ដេចតេជោក៏បានដាស់តឿនសារជាថ្មីរដល់អ្នកសារព័ត៌មាន គឺកុំបំពានអ្នកដទៃ កុំបំភ្លៃការពិត និងនៅថ្ងៃនេះ សម្ដេចតេជោក៏បានផ្ដល់សារសំខាន់មួយទៀតគឺ អ្នកសារព័ត៌មានត្រូវផ្សាយការពិតកុំប្រឌិតរឿងអ្នកដ៏ទៃ ។
និងសូមឲ្យអ្នកសារព័ត៌មាន ចូលរួមជាមួយនឹងរាជរដ្ឋាភិបាល ក្នុងខណៈដែលរាជរដ្ឋាភិបាល កំពុងតែជំរុញកែទម្រង់រដ្ឋ ដើម្បីឲ្យមានតម្លាភាព ដែលទាមទារឲ្យអ្នកសារព័ត៌មាន បំពេញតួនាទីតាមវិជ្ជាជីវៈមានសមត្ថភាព និងសិក្សាបញ្ហាដ៏ស៊ីជម្រៅ ហ៊ានបញ្ចេញនូវការពិត ។
នឹងទី៦-ចូលរួមប្រយុទ្ធប្រឆាំងព័ត៌មានមិនពិត និងព័ត៌មានក្លែងក្លាយ ទាំងក្នុងក្របខណ្ឌជាតិ និងអន្ដរជាតិ ដែលបច្ចុប្បន្នតំណាងសារព័ត៌មានរបស់យើង ក៏មានក្នុងក្របខណ្ឌស្ថាប័នជាតិអាស៊ាន ដែលតម្រូវឲ្យស្ថាប័នព័ត៌មានធ្វើការប្រយុទ្ធប្រឆាំងព័ត៌មានមិនពិតនិងព័ត៌មានក្លែងក្លាយ ឲ្យកាន់តែសកម្មថែមទៀត ។
តើការចុះផ្សាយរបស់គេហទំព័រហ្វេសប៊ុកផេក (ដំណឹងក្នុងស្រុក SNN TV ONLINE NEWS ឬ SNNTV) មានចេតនាអ្វី? សូមក្រសួងព័ត៌មានមេត្តាពិនិត្យផង កុំឱ្យដូចពាក្យថា ត្រីមួយស្អុយ ស្អុយត្រីមួយកន្ត្រក ៕
0 Comments